Оросоос Хятадад нийлүүлсэн зайрмагны экспорт 27 дахин буурчээ
2026 оны эхний улиралд ОХУ-аас БНХАУ-д нийлүүлсэн зайрмагны экспорт 27 дахин буурсан тухай “Интерфакс” агентлаг Хятадын гаалийн газрын тоо баримтаас эш татан мэдээллээ. Энэ оны эхний гурван сард Хятад улс Оросоос ердөө 48 мянган ам.долларын үнэ бүхий зайрмаг худалдан авсан бол өнгөрсөн оны мөн үед энэ үзүүлэлт 1.3 сая долларт хүрч байжээ. Экспортын хэмжээ ийнхүү буурахад дэлхийн зах зээл дэх өрсөлдөөн ширүүссэн, хэрэглэгчдийн таашаал өөрчлөгдсөн болон цар тахлын улмаас тогтоосон ариун цэвэр, халдвар хамгааллын хязгаарлалтууд зэрэг хэд хэдэн хүчин зүйл нөлөөлсөн байж болзошгүй юм. Хятадын хэрэглэгчид бүтээгдэхүүний чанар, нэр төрөлд улам бүр өндөр шаардлага тавьдаг болсон тул Оросын үйлдвэрлэгчид зах зээлийн шинэ нөхцөл байдалд дасан зохицох шаардлагатай тулгарч байгаа аж. Мөн Оросын үйлдвэрлэгчид Зүүн Өмнөд Ази, Ойрхи Дорнод зэрэг зайрмагны эрэлт ихтэй бусад орнууд руу нийлүүлэлтээ өргөжүүлэх боломжийг эрэлхийлж байна.
ТӨСТЭЙ МЭДЭЭ
Хуйвалдааны онол юунаас үүдэлтэй вэ?
2026-06-04
Эхдээ гологдсон бяцхан муурын түүх
2026-06-03
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.